Bee: 【♥ 4月份 FNB CLUB 活動 ♥】 Nail Me 水染美甲工作坊 (初體驗)

2012年4月11日星期三

【♥ 4月份 FNB CLUB 活動 ♥】 Nail Me 水染美甲工作坊 (初體驗)

美甲可以話係另類藝術
試想想要係細細片既指甲上
畫上有意思既圖案及花紋
功力少一d都唔得

不過, 凡事都有例外
想為指甲扮靚靚
而又想簡單一點既話
水染美甲可能係一個唔錯既選擇

Ah Bee 好開心得到F&B Club 邀請
出席4月份Nail Me水染美甲工作坊

而今次既活動地點
係Nail Me 九龍尖沙咀海防道46號1樓（鄰近尖沙咀港鐵站A出口）

Nail Me 係2011年取得由新假期舉辦
既Ready Go 美容服務大賞

店內除咗有多款甲油出售外
仲有其他手部護理既產品選購

而店內牆身亦掛有多份雜誌報道及相片
以及Nail Me 最近推出既甲式示範

原來好多artist 都係Nail Me 既常客
好似梁靖琪、謝安琪、唐詩詠、楊洛婷等等

係呢個時候
大家不如睇睇Nail Me 既gel 甲款式吖
指甲既款式真係好獨特
特別係3D 既指甲設計
真係好靚呀
配襯春夏潮流服裝就最啱

尖沙咀分店內設有5個Working station
枱面上既放置咗各款條甲用品
而機器方面可以話係一應俱全

美甲第一步, 當然係要修好甲形先喇

由於衛生問題
所以大會一早預備咗2款全新既手指挫
並由美甲師即場為大家即場開封

之後, 就教大家點解使用手指挫
原來使用手指挫都有技巧架
就係唔可以由指甲表面咁修理甲形
應該由指甲底部修理
如果唔係, 指甲表面就會變得唔平滑

另外, 亦都唔同大力咁向同一方面左右左右磨擦指甲
正確方法係一下一下咁修理甲形

修理好甲形後
就可以選擇自己喜款既顏色
Nail Me 店內有好多唔好顏色既甲油選擇
就算係同一款紅色, 都有數十款深淺唔同既色澤

Ah Bee 鍾意colorfull 既顏色
所以今次就選擇咗O.P.I 既橙紅色

係開始做水染甲之前
當然要先為指甲作保護
搽上護甲底油喇~

有無諗過係搽甲油時
取出過多/過少既甲油
令搽出嚟既甲色唔均勻呢?

原來想甲油搽得均勻
其實方法好簡單
就係於取出甲油掃時
將甲油掃上方擦向瓶頂
撥去多餘既甲油

另外, 搽甲油時應該先將甲油搽於指甲中央位置
再慢慢用甲油掃向前推
而唔係將甲油搽係指甲既未端
因為咁做, 甲邊就會出現彎彎曲曲既情況