一向有韓國面膜專家之稱Mask House
可以話係亞洲女士最受歡迎既面膜品牌
成本以草本為主, 加入矜貴既中藥
而且產品精益求精, 不斷升級
將面膜既功效提升達200%
今次試用4款Mask House既面膜
分別係
- 水‧漾澤韓方草本面膜
- 潤‧豐凝韓方草本面膜
- 白‧亮采韓方草本面膜
- 活‧煥妍韓方草本面膜
4 款唔同韓方草本面膜
所選用既中藥材料都有唔同
分別係: 蟲草, 當歸, 五加蔘, 韓蔘
唯一相同既係所使用既藥材都好矜貴
4 款面膜以唔同既顏色識別
銀白色 - 美白淡斑 (五加蔘)
深藍色 - 柔嫰補濕 (蟲草)
深紅色 - 激活再生 (韓蔘)
桃紅色 - 滋養幼滑 (當歸)
賣點: 200%加倍柔嫰補濕
當中既主要成份包括有:
冬蟲夏草
冬蟲夏草具有保濕功能
從而提升肌膚既緊緻度
車前草
對多種細菌及皮膚真菌有抑制作用
對皮膚炎症有抗炎消腫作用
而其黏液質因子能深入面部細胞凝鎖水份
使臉頰彈性倍增、晶瑩剔透
黃芩
黃芩既活性成分能夠吸收紫外線
從而抑制黑色素
含量達0.8mg/ml, 其防曬指數達SPF 35
升級版既草本面膜
唔單止精華素升級
仲係無敏感添加
功效提升達200%
適合於任何皮膚
取出面膜後, 包裝袋內仍然有足夠既精華液
可以等除下面膜後, 再用剩餘既精華液按摩
而精華既質地清爽, 唔黏稠 ^^
面膜採用由日本天然進口既面膜薄紙
更透薄, 更貼面, 更吸收
7個刀位設計, 方便調校面膜位置
大家可以參加 Mask House 既面膜使用及按摩方法
由於面膜有7個刀位設計
係調校位置方面就比較輕易
變得更貼面, 而附有既眼蓋設計, 可以滋潤埋眼仔,
不過, Ah Bee平時鍾意一邊睇雜誌, 一邊敷面膜, 所以都係摺落嚟算~
市面上一般蟲草售購過萬一両
而以蟲草做主要成份既水‧漾澤韓方草本面膜
感覺就變得非常矜貴
說實, 相比起一般含有中藥成分既護膚產品
面膜既中藥味道一d都唔濃烈
精華液好快吸收, 而且唔黏笠, 好清爽
唔使10秒就完全被乾巴巴既皮膚吸收
皮膚好似即時charge 足電 ^^
以4款面膜嚟計
Ah Bee 覺得水‧漾澤韓方草本面膜係最補水
只係15mins就可以見到皮膚變得水嫰
毛孔亦都即時收細咗
朝早起身洗面, 覺得膚質比起以前滑咗
而且妝容比以前貼服, 少咗出油, 讚!!!
賣點: 200%加倍滋養幼滑
盒既前後都印有中文說
知道產品既成分及功效, 讚
當歸
當歸具營養皮膚, 防止皮膚干燥, 增加皮膚彈性
減輕色素沉著，延緩皮膚衰老
牡丹
能夠促進血液迴圈, 去除面部污濁色斑, 散鬱祛黃
全面滋潤肌膚細胞, 提升肌膚彈性與活力
使面部回復天然紅潤, 容光煥發
五行草
含豐富營養成分, 其ω-3脂肪酸含量在綠葉菜中佔首位
有維他命C和E、膳食纖維、果膠、礦物質等
能深層鎖住人體水份, 預防水分流失, 藉此改善皮膚粗糙不均
潤‧豐凝韓方草本面膜以當歸為主要成份
Ah Bee 由細到大, Bee 媽就會停時煲當歸俾Ah Bee飲
但Ah Bee為好抗拒當歸既味道
每次飲親都叫苦連天, 不過
Ah Bee知道當歸既藥用價值好高
除咗可以補血養生, 最大既功效係可以令血氣運行好d
面膜內加入當歸, 就可以去除黃氣
唔會面黃黃, 面青青, 變得紅潤有光澤
潤‧豐凝韓方草本面膜同樣係8個刀位貼面設計
取出面膜後, 可以見到剩餘既精華液都唔少
今次就敷埋眼仔喇
唔知係咪Ah Bee塊面太大
敷埋眼仔鼻樑位置就有少少移位
變得唔夠貼服喇
但面部既都仲可以貼位, 係鼻位差少少
因為通常活血既產品都會熱熱地
但錯晒, 無熱熱地呀, 用後皮膚真係無咁黃
而且都幾滋潤, 而且面色仲有少少紅潤添
p.s. Ah Bee 最鍾意呢款面膜
雖然補濕度以水‧漾澤韓方草本面膜為佳
但冬天嘛, 當然係想滋潤d喇
而且又即時見到皮膚無咁黃青
(Ah Bee係 dec - jan 實在食得太多西藥喇, 身體弱咗好多呢~)
賣點: 200%加倍美白淡斑
大家可以見到
咁多款草本面膜都係無敏感添加架
敏感肌既sis都可以安心使用
五加蔘
五加蔘精華含有SOD
有效清除體內自由基
帶走體內沉殿日久既黑色素
防止面斑既形成
川芎
能防治粉刺, 預防多種斑疵外
其最大功能是抵抗紫外線
使面部皮膚白嫩、潤滑有光澤
地黃
藥性平和, 配以川芎一併使用後
能有效促進血液循環
加速新陳代謝周期, 從而滋養肌膚
Ah Bee對其中一個成分好興趣
就係川芎喇, 原來可以防治粉刺
啱晒日日化妝既 sis 使用呀
講講效果吧!
不過, 科技越嚟越進步喇
現在大部份既美白產品, 可以用到美白同時補濕
唔會令皮膚變乾
而Ah Bee使用美白面膜既要求好簡單
就係用後即時見到皮膚白白滑滑
真係可以做到令皮膚即時變白
早前Ah Bee臉頰上出現咗少少紅點
差唔多一個月都退唔到
使用完白‧亮采韓方草本面膜
紅點確實淡了, 雖然未100%降紅
但面上其他部份都有美白既效果
賣點: 200%加倍激活再生
人蔘能加快血液循環
能調節皮膚水分平衡
具有防止皮膚脫水乾燥
保持皮膚光潔滋潤的作用
從可以防止皺紋的產生
金縷梅
幫助肌膚夜間再生能力, 對抗自由基
深層淨化去紋，使皮膚更加幼滑亮麗
甘草
能防止化妝品對人體的過敏反應
4款當中, 只有活‧煥妍韓方草本面膜
可以聞到淡淡既人蔘味道
其他既都只係草本中藥味道
突然間好懷念以前 Mask House signature item 人蔘面膜既香味
活‧煥妍韓方草本面膜就係以嫰肌抗皺為主力
而一直以來, 抗皺既產品保濕 & 滋潤度都比較強
由於Ah Bee已經試咗3款,
所以就俾咗塊俾Bee 媽試用
說實, Bee 媽一直都唔鍾意有中藥又或啫人蔘味道既面膜
但對於活‧煥妍韓方草本面膜既氣味
無任何特別既抗拒
使用後, Ah Bee覺得 Bee 媽既皮膚光滑咗
面上既細紋, 幼紋都係使用後消失晒
而額頭上較紋既皺紋, 就淡咗少少
虎紋就唔覺得特別淡咗
不過Bee 媽覺得要keep住用先可以完全改善到皺紋
但對於短時間可以見效
又確實好心動, 所以, Bee 媽已經成盒據為己有 ^^
Mask House貼心咁推出4款面膜
大家就可以因應唔同既需要
選擇啱自己既面膜
而且產品全部均由韓國直接進口、優質檢定、信心保證
而係4款面膜入面
其次就係水‧漾澤韓方草本面膜
因為潤‧豐凝韓方草本面膜
真係幫Ah Bee 改善青青黃黃既膚色
而且滋潤度亦都唔錯, 用後皮膚變得滑嘟嘟, 大愛!!
另外, 水‧漾澤韓方草本面膜既保濕度強
用後肌膚變得漲卜卜, 好水嫰
最重要係使用後, 妝容變得更貼服
脫粉又或者浮粉既情況都得到明顯改善, 讚!!
另外, Ah Bee 相信好多女人都係缺水肌
自己亦都唔例外, 所以, 滋養保濕係好重要
肌膚要有足夠既水份, 滋養
先可以由肌膚底層靚靚出嚟呢~
Mask House既產品, 已經係全線萬寧有售
而且成日都有promotion添呀
大家真係要密切留意喇~
想了解更多, 請到 <Mask House> 瀏覽
歡迎留言or email to sweet_orange_hk@yahoo.com.hk
My Blog Links
TheZtyle: http://fantasyland.theztyle.com
BeautyLife: http://www.beautylife.hk/?2673
Fashion & Beauty: http://www.fnb.hk/blog/7221
She.com: http://blog.she.com/fantasyland
LadyQooza: http://blog.qooza.hk/AngelAngelAngel
Elle: http://blogs.elle.com.hk/wahwah1224/
Yahoo: http://hk.myblog.yahoo.com/Fantasy-land
Sina Blog: http://wahwah1223.mysinablog.com
沒有留言:
張貼留言