【♥ 教授聖誕 Party Look!♥】隱形眼線聽過未呀, 4種眼線示範

聖誕就嚟到喇, 有無諗過用乜嘢既妝容,
出席Christmas Party 呀?!
以甜美既粉色妝容示人,
定係充滿神秘感既smokey eye 呢?!

Ah Bee 早前見到U Beauty所攪既化妝班,
被model既迷人眼妝吸引住, 真係好靚, 好charm,
有幸揀出席咗《U Beauty x Kazaf 教你化個聖誕 Party Look!》



真係好開心呀, 在此多謝U Beauty

活動一開始, 就由Kazaf 既創辦人,
中心負責任及首席化妝師既Ricky,
為大家探討FW 11 既Trend,
同埋活動流程

Kazaf 化妝形象中心係2009年成立,
中心有多名擁有專業資格既化妝師,
擅長塑型及獨立形象既風格

今日既主題係Party Look,
而化妝重點就會著重係眼妝方面,
不過, 化乜嘢妝都好, 最重要都係底妝要夠貼服,
所以, 一切就由底妝講起




化妝師Melody為素顏model 搽上補濕用品,
makeup base, 就開始上妝,
首先用濕粉搽均全面,
再輕輕撲上碎粉,
用碎粉掃掃走面上多餘既粉未

之後就到畫眼線,
今次要教授4種唔同眼線, 分別係:
- 內眼線
- 外眼線
- 隱形眼線
- 下眼線

乜嘢係隱形眼線?!
隱形眼線既意思係內外眼線之間既空隙,
用眼線膏連埋一齊
即係下圖黑線部份

而今次Melody就用眼線膏畫示範繪畫4種唔同既眼線俾大家睇
首先將model既上眼瞼輕輕牽起,
好輕易就見到睫毛根部以內既位置,
咁就可以落筆畫上內眼線,
緊接落嚟, 就係畫上外眼線,
畫好外眼線就, 就將佢哋之間既空隙填滿
即係隱形眼線, 之後就係畫下眼線,
記住喎, 下眼線要由眼尾開始落筆,
掃向前方1/3位置, 咁效果先會自然

有化妝師指導, 畫眼線就變得更容易,
Ah Bee 又親手畫下先~

之後, 就教畫眉, 眼影使用技巧,
貼假睫, 胭脂及唇膏

要畫眼先量度眼眉既長度,
大家只要望住鏡, 係眼尾位置斜上,
咁就知道眼尾既位置架喇

Melody 首先由眉山開始畫起,
之後到尾眉, 再用掃blend鬆顏色,
再掃向眉頭, 所以眉頭位置,
顏色唔會太重, 效果亦會變得自然

胭脂方面, 皮膚較黑既sis, 用橙色會比較好,
而比較白既sis 呢, 就適合用粉紅胭脂,
係耳邊既位置向臉頰下斜掃落,
唔單止可以修飾輪廓, 出有瘦面既效果^^
想再瘦d, 可以係胭脂下方打陰形,

如果發現搽上面既胭脂顏色過深 (重手咗),
咁就可以用碎粉底, 輕輕掃走/掃開顏色

Melody 話只係搽lip gloss,
而唔搽唇膏, 效果就會唔持久,
最好都係先搽唇膏, 後搽lip gloss!!

為model搽上唇膏後, 再係咀唇既中間位置,
搽上lip gloss, 記住唔好成個咀唇搽上lip gloss,
因為咁樣唇咀就會變得好大好誇張,





眼影環節喇, 首先用眼影盒內最深既顏色 (黑色),
搽出彎月圖案, 再用相同眼影填滿彎月中心,
用淺一度既顏色, 搽於彎月內彎位置,
再用銀白色 (有打亮眼瞼效果既顏色),
掃於前眼窩位置, 令效果變得更柔和協調

最深色既眼影 (黑色), 畫於下眼線後方1/3上,
再用銀白色畫於下眼線填空部份
想效果更sharp, 可以於眼頭位置掃想閃亮眼影

搽上睫毛液後, 用電睫毛棒以180度捲上,
令睫毛變得更捲曲

再用睫毛液搽於下眼睫毛上,
同樣以電睫毛棒捲曲,
貼上假睫, 成個妝容就完成喇 ^^

近期大熱既懷舊眼窩線,
Melody都一次過為大家示範埋,
係眼窩凹入既位置以眼影落筆,
再用眼線膏加深顏色,
但要記住, 眼線膏畫上之後,
就唔可以blend 開架喇,
就算畫錯咗, 都無得補求,
所以, 想畫眼窩線既sis,
要多加練習呀

好喇, 論到Ah Bee自己化喇,
好彩有Ricky幫手,
Ah Bee既眼妝先可以順利完成

最後大會送上禮物大家,
多謝U Beauty x Kazaf,
今日真係學識咗好多嘢,
對於鍾意化眼妝既Ah Bee 嚟講,
又上咗保寶既一課喇 ^^

大家如果想知道更多關於Kazaf既資料, 就 <click> 喇 ^^

歡迎留言or email to sweet_orange_hk@yahoo.com.hk

 

My Blog Links

TheZtyle: http://fantasyland.theztyle.com

BeautyLife: http://www.beautylife.hk/?2673

Fashion & Beauty: http://www.fnb.hk/blog/7221

She.com: http://blog.she.com/fantasyland   

LadyQooza: http://blog.qooza.hk/AngelAngelAngel

Elle: http://blogs.elle.com.hk/wahwah1224/

Yahoo: http://hk.myblog.yahoo.com/Fantasy-land

Sina Blog: http://wahwah1223.mysinablog.com/