Bee: 【♥ 依家仲學詠春, 不如學泰拳喇 ♥】一技傍身, 唔怕色狼埋你身- FNB CLUB

2011年11月28日星期一

【♥ 依家仲學詠春, 不如學泰拳喇 ♥】一技傍身, 唔怕色狼埋你身- FNB CLUB

Ah Bee 一直都有參加 fnb 既活動,
每次既活動形式都唔同,
有整嘢食, 玩甲, hair treatment 等等,
而今次11月既會員活動, 係打泰拳呀

說實, 今次都係Ah Bee第一次學打拳,
仲要係打泰拳, 真係十萬個興奮,
(即時幻想自己Tony Jaa上身, 係咁打添)

今次活動地點係旺角既IRON Thai Boxing Studio舉行
門口掛有充滿泰國feel既裝飾

拳館既空間感好大, 設有雷台,
拳擊用既沙包, 仲有用嚟運動用既波波, 亞鈴等等~

館內仲有好多拳套添呀, 顏色又sharp又靚,
Ah Bee 忍唔住係咁影相,
大家要記住呀, 拳套一定要綁緊呀,
同埋申咗隻手入去之後,
就要渣實拳頭, 如果唔係好容易扭傷手

好靚既shocking pink, 真係個個款都唔同,
唔知拳套既顏色, 有無份等級呢,
淺色既代表初級, 黑色代表高級呢?!

呢個係IRON既Principal Trainer - 吳師傅
係咪功架十足呢 ^^

吳師傅一直熱愛武術運動,
師承世界泰拳冠軍蔡東曉,
深受其創新及知性態度所感染,
經過多年擔任教練所累積既經驗,
係09年正式成立Iron
Thai Boxing Studio
推廣健康有益既泰拳運動

影張相先, Chok 呀~

係泰拳體驗班，吳師傅教授大家直拳、勾拳、上勾拳、
橫掃腳及蹬腿等基本動作,
為咗令各人能夠真正掌握到基礎技巧~

好多女仔都識分左右, 但如果有人同你講,
舉起左手, 通常都會呆一呆, 諗一諗,
左手即係邊隻呢, 個咀就會講左右.
先知舉起邊隻手, HAHA..... 咁就慢晒喇,
說實, Ah Bee成日都跟唔上,
好彩吳師傅好好人, 好有耐心咁教我哋, 好nice 呀~~

之後吳師傅就叫學員上擂台,
針對性咁教授, 同埋指出各人既姿勢問題,
例如起腳唔夠力等等......

到Ah Bee 打喇, 係咪都叫做有板有眼呢~