Bee: 【♥ 第一次用裸色眼影 ♥】我既迷失眼鏡妝面世

2011年9月20日星期二

【♥ 第一次用裸色眼影 ♥】我既迷失眼鏡妝面世 - BECCA

近日Ah Bee 又再一次努力,
積極鑽研眼妝, 之前參加活動,
化妝師話Ah Bee雙眼皮好厚,
所以就要好好利用eye shadow既顏色,
同埋眼線唔可以太粗,
咁會令雙眼變得更迷人~~

成日都見到有sis 推介BECCA 產品,
一直都好想試, 得到幸福之神既幫助,
終於都有機會喇~~~

Lost Weekend Palette

Lost Weekend Palette 限量發售
Palette內有3款接近 nude既顏色
分別係古古力、焦糖和棕褐色色調
Moleskin (裸色), Chino (棕褐色), & Moire (焦糖)
三隻色入面, 得Morie 係用閃粉, 而Moleskin & Chino, 就係啞色既眼影

Palette設計簡約細細盒, 方便携帶,
入面有一塊大大既鏡,
乜都照得清清楚楚,
啱晒補妝時用,
入面仲有眼影掃添 ^^

BECCA 既眼影質地好滑, 顏色好出,
所以, 每次用眼影掃掃完眼影,
最好係tissue 上輕輕印一印,
再掃一掃係手背, test下深淺度,
就可以使用喇~

Ah Bee今次想化一個眼鏡妝呀,
知道眼鏡妝重點係眼妝要自然,
用既顏色要Neutral,
仲要加埋粗眼線,
咁先可以輪廓線條突出

BECCA內既3隻眼影,
其實都可以獨立咁使用,
Ah Bee就用Palette內最淡既顏色 (裸色),
搽係眼窩喥先, 望落去眼影好淡, 但掃上眼,
就會變成好淡好淡既粉紅色~

之後就將由於之前化妝師教Ah Bee 將比較深既眼影,
搽係眼尾位置, 唔好將實色掃係雙眼皮喥喇,

咁眼皮就唔會覺得浮腫, 而且雙眼望落會更有神采,

咁Ah Bee 就照做喇, 將啡色既由眼頭好輕力咁一下掃落眼尾,

再將眼影搽係眼尾喥, 加深輪廓!!

好喇, 眼妝變得有層次, 立體咗好多喇^^

Ah Bee 覺得呢款深啡色眼影,

可以用嚟打鼻影, 又可以用嚟做shading, 一色3用 ^^

最後就將裸粉紅色, 有閃粉既眼影搽上眼喇,
掃一下眼頭及眼尾位置, 再掃少少係眼窩中間,

凸起既位置, 令到成個眼妝更加閃亮 ^^

變得有層次, 立體好多呀^^

今次唔畫粗眼線, 幼幼地就可以喇, 大功告成

Ah Bee既Lost Weekend 眼妝面世喇!!

眼鏡妝又點可以少咗副眼鏡喎,
Ah Bee 呢個眼鏡係朋友仔送架,
因為一直都搵唔喘款式,
所以就由佢話事,
送咗呢副俾佢Ah Bee^^

化完喇, Ah Bee個樣係咪好精靈呢,
好似一個乜嘢都知既公司小職員 ^^
(其實係8卦小職員 ^^)

比個戴眼鏡前後既對俾大家睇睇先~~

Ah Bee覺得BECCA 限量既Lost Weekend Palette 真係好好用,
顏色好出, 而且一盒入面, 有齊matt & shimmer 既色調,
每款都可以獨立使用, 亦都可以group埋造出層次效果,
而眼影既持久度亦都非常好, 其中棕褐色 (中間),
可以用嚟做眼影, shading, 仲可以用嚟打鼻影添 ^^